Basagoitik 'demokrazia sustatzeko' ituna eskaini die EAJri eta PSEri

PPk EAJri eta PSE-EEri "demokrazia sustatzeko" itun bat bidaliko diela iragarri du Antonio Basagoitik, "Bilduk eta Batasunak suposatzen duten atzeranzko aldaketaren arriskuari aurre egiteko" helburuarekin.

PPren zuzendaritza batzordeak neurria eztabaidatu ostean, Basagoitik prentsaren aurrean iragarri du, eta proposamenak datozen erkidegoko hauteskundeekin loturarik ez duela nabarmendu du.

"Ez da gobernu akordio bat, demokraziaren eta egindako lanaren balioa aintzat hartzeko minimo batzuk jartzeko ituna baizik", adierazi du. Konpromiso publiko honek bi ardatz izango lituzke: lehenengoa, herritar guztiek euren iritziak askatasunez adierazi ahal izatea eta Euskadi mehatxurik gabeko gunea izatea".

Bigarrena, "independentzia aldarrikatu ala ez, proiektu politiko guztiek euskaldunen aniztasuna errespetatzea".

Popularrentzat, "Bilduk eta Batasunak ordezkatzen duten proiektuan, hau da, ETAk beti defendatu izan duen proiektuan, askatasunean atzerapausoak emateko arriskua dago, hau da, nahitaezko independentzia ezarri nahi izatea".

PPk iragarri duen ituna oraindik zirriborroa baino ez da. Basagoiti eta Leopoldo Barreda ari dira lanean eta Iñigo Urkullu EAJko presidenteari eta Patxi Lopez lehendakariari bidaliko diote. Pastor: ‘PPk inkestei eta hautestontziei begira egin du paktu proposamena’

Jose Antonio Pastor Legebiltzarrean PSE-EEko bozeramaileak azaldu duenez, PPk aurkeztutako proposamena diskurtso politikoa “inkestei eta hautestontziei” zuzentzea egiteko izan dela nabarmendu du.

Pastorrek esan du konfiantza duela PPk sakon Patxi Lopez lehendakariak ezarritako ibilbide-orria batean sakon inplikatu nahi duela, eta sozialistek aro berriari egiteko konpromisoa dutela nabarmendu du.

Halere, PPk aurkeztutako proposamena berria ez dela azaldu du, eta alderdiak bere diskurtso publikoa ziurrenik inkestei begira egin duela nabarmendu du.