Politika -
Donostian
Mozioa oposizioak aurkeztu behar duela erantzun du Garitanok
Adierazpenok Donostian egin ditu Gipuzkoako ahaldun nagusiak, EH Bilduk Alduntzinen alde eta zentsura-mozioaren kontra egindako manifestazioaren atarian.
Erredakzioa
Bilduk "hautestontzien erabakia" onartzen duela eta EAJk, PPk eta PSE-EEk zentsura-mozioa aurkeztea nahi badute "haien erabakia" dela adierazi du Martin Garitano Gipuzkoako ahaldun nagusiak.
Adierazpenok Donostian egin ditu Gipuzkoako ahaldun nagusiak, EH Bilduk Alduntzinen alde eta zentsura-mozioaren kontra egindako manifestazioaren atarian. Protesta "Birzikletari zentsurarik ez" lelopean egin dute, Juan Carlos Alduntzin Ingurugiro diputatuaren aurkako zentsura-mozioa gaitzesteko.
Esandako hitzen bidez, Garitanok Joseba Egibar EAJko GBBko presidenteak esandakoei erantzun die. Egibarren iritziz, ostiralean Alduntzinen kontrako mozioa aurrera atera eta gero, Martin Garitanok "konfiantza-mozioa aurkeztu behar du". Horri lotuta, PSE-EEk eta PPk hiruren artean zentsura-mozioa aurkeztea eskaini diote EAJri.
