Madrilek ez du Athletic Hiria ostegunean irekitzeko baimenik eman

'Athletic Hiriak’ Madrilen Errege Koparako Bilboko klubak jarriko duen guneak ostiralean irekiko ditu ateak, eta, ez ostegunean, "Madrileko Udaleko agintariek beharrezko baimenak eman ez dituztelako".

Athletic Clubek maiatzaren 24an nahi zituen ateak ireki, baina Madrileko Udaleko agintariek ez dituzte beharrezko baimenak eman horretarako. Madrid Rio zabalgunean irekiko ditu ateak, ostiralean, 10:30ean.

'Athletic Hiria' partidua bukatu arte irekita egongo da eta Kopako finala jarriko dute bertan zuzenean. Hara joan ahal izango dira sarrerarik lortu ezin izan duten jarraitzaileek.

Zuzeneko partiduaz gain (22:00etan hasiko da) 1984ko finala ikusi ahal izango da bertan. Athleticek 1-0 markagailuarekin garaitu zuen Bartzelona. Halaber, denboraldi honetako hiru partidurik onenak ikusgai izango dira.

Finala bukatzean, gaueko 00:00ak aldera, Athletic Hirian jai erraldoia egingo dute, MCDren zuzeneko emanaldiarekin eta hainbat ekitaldirekin.

Bestalde, Athleticek San Mamesen lau kontzertu antolatu ditu finala baino lehen izateko, 'Katedralean' ikusi ahal izango dute pantaila handien bitartez.

Rafa Rueda, Itziarren Semeak, El Mentón de Fogarty eta Zea Mays taldeen kontzertuak izango dira San Mamesen, 20:30ean hasita.