Politika -
PSNren lurralde batzarra
Jimenez PSNko idazkari nagusi berrautatu dute, botoen % 60 lortuta
Buruzagi sozialistak, UPNrekin Gobernuan koalizioan sartzeko hartutako erabakia defendatu du.
Erredakzioa
Roberto Jimenez PSN-PSOEko idazkari nagusi berrautatu dute alderdiaren hamargarren Kongresuan. Jimenezek botoen % 60 baino gehiago lortu du eta Manuel Campillo Tuterako Udaleko bozeramaileari gailendu zaio.
Jimenezen hautagaitzak 126 boto eskuratu ditu, % 60,57, eta Campillorenak, berriz, 80 boto, % 38,46. Bi hauteslek (% 0,96) boto zuria eman du.
Aurretik, PSNren biltzarrak Exekutibaren Kudeaketa Txostena onartu du aldeko 139 bozekin, aurkako 51 botorekin eta 6 abstentzioekin.
Roberto Jimenez Nafarroako sozialisten idazkari orokorrak aurkeztu du eta azken lau urteetako kudeaketa baloratu du. "Babes handia" izan duela nabarmendu du, nahiz eta "une zailak" izan dituzten.
UPNrekin akordioa
Nafarroako hauteskundeetako emaitzak "txarrak" izan zirela gogoratu du, baina UPNrekin koalizioan Gobernuan sartzeko erabakia defendatu du, "erabaki demokratikoa". Ordutik, Nafarroako Gobernuan "aro berri bat" bizi izan dela esan du, "Gobernuari eta Foru erkidegoari egonkortasuna eman diogulako".