Larri dagoen ETAko preso bat Euskadira hurbildu dute

Aitzol Gogorza ETAko presoa Basauriko (Bizkaia) espetxera aldatu dute, Sevillatik, buruko gaitz larri bat atzeman eta gero.

EFE agentziak jakinarazi duenez, Espetxe Zuzendaritzak ostiralean onartu zuen leku aldaketa, Gogorzak "joera suizidak" dituela ikusita. Horrenbestez, suizidioak saihesteko protokoloa ezarri diote Basauriko espetxean.

Gogorza Errenterian (Gipuzkoa) jaio zen, 1975eko irailaren 17an, eta 1999an atxilotu zuten, Poliziaren kontrol batean, Mont de Marsah herritik (Frantzia) gertu.

Atxiloketaren unean, ETAk 1997ko otsailaren 10ean Rafael Martinez Emperador Auzitegi Goreneko epailea hiltzeko erabili zuen arma atzeman zioten.