Politika -
Erreakzioak Asturiasen
Agintzeko 'akordioak' ezinbestekoak direla esan du Alvarez-Cascosek
PPk onartu egin du emaitzak "ez direla onak izan". PSOE, aldiz, "agintzeko ardura" bere gain hartzeko prest agertu da.
Erredakzioa
Francisco Alvarez-Cascos Asturiaseko Printzerriko jarduneko presidentea eta Foroaren hautagaiak esan du, hauteskundeen emaitzei begiratuta, "akordioak", "uko-egite partzialak", "elkarrizketa" eta "errespetua" "nahitaezkoak" izango direla Asturiasen Gobernua osatzeko.
Cascosen arabera, Foroa hitz egiteko prest egongo da Asturias hazkundearen bidean jartzeko eta ideiak eta ahaleginak egiteko prest dauden guztiekin. PSOE
Javier Fernandez FSA-PSOEren idazkari nagusia eta Printzerriko presidentetzarako hautagaiak esan du bere alderdia ordezkaritza duten alderdi guztiekin hitz egiteko prest dagoela, Gobernu egonkorra lortzeko helburuarekin. "Asturias gobernatzeko ardura hartzeko prest gaude", esan du.
Fernandezek asturiarren gehiengoak sozialistei emandako konfidantza eskertu du, eta parte-hartzearen jaitsiera politikak azken hilabeteetan eragindako "asperraldia"ri egotzi dio.
PP
Mercedes Fernandez PPko hautagaiak, aldiz, emaitzak "onak ez direla izan" onartu du eta "elkarrizketarako prest" dagoela azpimarratu du.
