Politika -
PSOEren 38. Kongresu Federala
Chaconek bere burua PSOEren zuzendaritzatik baztertu du
Ministro ohia Rubalcabarekin bildu da eta zuzendaritzan alderdiko pentsamolde gutziak ordezkatuta egotea eskatu dio, idazkaritza nagusia oso alde txikiarekin irabazi duelako.
Erredakzioa
Alfredo Perez Rubalcaba PSOEko idazkari nagusi berria Carme Chaconekin bildu da larunbat gauean. Chacon ministro ohiak zuzendaritzan egoteko asmorik ez duela iragarri dio Rubalcabari, eta, horrekin batera, zuzendaritza horretan pentsaera guztiak ordezkatuta egotea espero duela esan dio.
Chaconen taldeko iturriek Efe albiste agentziari esandakoaren arabera, eskaera horiek gaueko bileran egin dizkio Chaconek Rubalcabari, eta Kongresuko talde sozialistaren zuzendaritzan ere ez duela egon nahi azaldu dio.
Hala ere, Rubalcabaren garaipena oso alde txikiagatik gertatu da, 22 boto, eta zuzendaritzan guztiek ordezkaritza izan beharko lukete.
Chaconentzat, helburu nagusia zuzendaritzak babes handiena izatea da, eta horretarakoezinbestekoa da PSOE osoaren ordezkari izatea.
