Politika -
Frantziak 25.000 euro ordaindu beharko dizkie ETAren ustezko 5 kideri
Ikerketan zehar, Tribunalak hainbat alditan luzatu zuen akusatuen prisioaldi prebentiboa.
Erredakzioa
Europako Giza Eskubideen Auzitegiak ostegun honetan hartutako erabakiaren arabera, Frantziak 25.000 euro ordaindu beharko die ustezko bost ETAkideri beraien prisioaldi prebentiboa larregi luzatzeagatik.
Ismael Berasategi, Felix Ignacio Esparza Luri, José Candido Sagarzazu, Inocente Soria Valderrama eta Laurence Guimon ustezko ETAkideek 6 urteko epea eman zuten prisioaldi prebentiboan epaituak izan arte. ETAren aparatu logistikoaren parte izatea egotzita, 6 eta 19 urte arteko zigorra ezarri zien epaiak.
“Askatasun eta segurtasunerako eskubidea”
Ikerketan zehar, Epaitegiak hainbat aldiz luzatu zuen atxilotuen prisioaldi prebentiboa.
Kontseilu Europearraren jurisdikzioaren arabera, Europako Giza Eskubideen Hitzarmenean agertzen den 5. artikulua ez dator bat preso horiei ezarritako prisioaldi prebentiboarekin, artikulu horretan azaltzen den “askatasun eta segurtasunerako eskubideak” garrantzi handiagoa baitu.