Urkullu, Eusko Jaurlaritza berreskuratzea helburu duen gizona

Iñigo Urkullu elkarrizketaren eta akordioren politikaria da. Bigarrenez, EAJren buru izango da gaurtik aurrera, 2013ko hauteskundeetan Eusko Jaurlaritza berreskuratzeko helburuarekin.

Bizkaitarra da (Alonsotegi, 1961), irakasle-ikasketak egin zituen, ezkonduta dago eta bi seme-alaba ditu. 1984an, 23 urterekin, Bizkaiko EAJko zuzendaritza batzordeko kide izendatu zuten, eta 2007 urtera arte ia etengabe bertan egon zen.

Bizkaitik EAJren buruzagitzara iritsi zen 2007ko abenduaren 2an. Alderdiaren bi aldeen arteko adostasuneko hautagaia izan zen, aurreko EAJko buruzagiak, Josu Jon Imazek, politika utzi ostean.

Politikari moderatutzat jo dute beti. Datozen lau urteetarako EAJren bidea zuzentzeko hautatu dute berriro, ETAk jarduera armatua behin betiko amaitzea erabaki ostean Euskadi aro berri batean sartuta dagoenean.