Bakearen Aldeko Koordinakundeak azken manifestazioa deitu du

Bakearen Aldeko Koordinakundeak urteroko manifestazioa deialdia egin eta azkena izango dela iragarri du. Urtero bezala urtarrilaren 30ean izango da, Gandhiren heriotzaren urteurrenarekin eta Indarkeriarik gabeko nazioarteko egunarekin bat. Halaber, egoera berria dela eta, azken aldiz egingo dutela esan dute.

Agiri batean jakinarazi dutenez, ETAk ekintza armatua uzten zuela iragarri zuenetik, gizartea eta Koordinakundea bera egoera berriari egokitu dira. "Itxaropena dugu etorkizun aske batean eta indarkeriarik gabekoan, gizartearen gehiengoak hori nahi nahi eta espero duelako".

Ildo horretan, Bakearen Aldeko Koordinakundeak 1988tik manifestazioak egin ditu urtero Indarkeriarik gabeko nazioarteko egunean, baina azkena izango dena deitzea erabaki du.