Politika -
Donostiako Konferentzia
PSEk Bake Konferentziaren lehenengo puntua soilik onartzen du
PSEren Arabako presidenteak esan du "eurena" terrorismoaren "behin betiko amaiera" eskatzen den lehenengo puntua soilik egin dezaketela , nahiz eta "irmotasun" gehiago faltan bota bertan.
Erredakzioa
Txarli Prieto Arabako PSEko presidenteak astearte honetan azaldu duenez, "drama" bat da ezker abertzaleak 34 urte tardatu izana ETAren behin betiko amaiera eskatzeko, baita nazioarteko bitarterkoek eskatutakoan egin dutela ere, eta ez euskal gizarteak eskatutakoan, gaineratu du.
Halaber, euskal sozialistek "eurena" terrorismoaren "behin betiko amaiera" eskatzen den Donostian egindako Nazioarteko Bake konferentziaren deklarazioaren lehenengo puntua soilik egin dezaketela nabarmendu du, nahiz eta "irmotasun" eta "zehaztasun" gehiago faltan bota bertan.
Prietok PSEren izenean azaldu duenez, euskal gizarteak eskatutakoan indarkeriaren amaiera eskatu izango balute ETAk eragindako biktimak ekidin zitezkeen. "Berandu iritsi dira, baina betiere ona da batzea eta ETAren amaiera hautematen denean egitea hori, eta batasun eta sendotasun demokratikoak irabazi duela erakusten ari gara", adierazi du Prietok.
