Politika -
Ekinen desegitea
Ekinen desegitea 'pauso bat gehiago' dela dio Lehendakariak
Patxi Lopez lehendakaria ez da azaroaren 20a baino lehen ETAren iragarpenik egongo den ala ez esatera ausartu.
Erredakzioa
Ekinen desegitea indarkeriaren aroaren amaierarako bidean "pauso bat gehiago" dela esan du Patxi Lopez lehendakariak larunbat honetan, eta "behin betiko pausoa ETAren desegitea" izango dela berretsi du.
Bestalde, talde terroristaren iragarpenak espero diren ala ez galdetuta, ez du "burutapenik" egin nahi izan, eta gutxiago hauteskundeen aurretik izango diren ala ez.
"Hain gai garrantzitsuetan datak jartzeak frustraziora eraman gaitu beti; behar diren pausoak ematen joan behar dugu, ematen diren guztiak finkatzeko eta atzerapausorik ez egoteko", esan du lehendakariak PSOEren Batzar Politikora sartu baino lehen.
