Politika -
Kartzelatik
Otegi: 'Agenda bat dago, bakea galarazteko helburu bakarra duena'
"Bakea ez du Euskal Herrira ekarriko existitzen ez den Zuzenbide-estatu espainiarrak, Bakea Euskal Herriarentzako Estatua aldarrikatzen dutenek ekarriko dute", gaineratu du.
Erredakzioa
"Helburua Bakea galaraztea" duen "agenda" baten existentzia salatu du Arnaldo Otegik. Bere hitzetan, 'Bateragune' auziko epaiarekin Euskal Herrian eszenario berria finkatuko duten aurrera pausoak oztopatu nahi dituzte".
Bilboko manifestazioaren amaiera irakurritako gutunean, etorkizunean "urrats" gehiago ematea galarazten porrot egingo dutela adierazten du Otegik. Bere ustean, "Estatuko esparru desberdinetan indar boteretsuak daude, agenda hori kudeatzen, bakea galarazteko eta borroka armatua nagusi zen egoerara bueltatzeko".
Hala ere, "urrats berri eta behin betikoak" ematea ezin izango dutela galarazi ziurtatu du Otegik. "Horrela da, Lopez, Ares eta Rubalcaba jaunak... Bakea ez du existitzen ez den Zuzenbide-estatu espainiarrak ekarriko, Euskal Herriak Estatu izateko eskubidea aldarrikatzen dutenek baizik", gaineratu du.
"Duela bi urte egindako atxiloketen bidez, ezker abertzaleak aldaketa bateratu eta ordenatua egitea saihestu nahi zuten. Gaur, eta epai gogor hori erabilita, helburu bakarra dute: hurrengo aste eta hilabeteetan Euskal Herriko eszenario berria finkatuko duten aurrera behin betiko aurrera pauso berriak ematea galarazten saiatzea", idatzi du Batasuneko bozeramaile ohiak.
Prozesu demokratikoa sakontzea
Otegiren arabera, "agenteek gezurretan eta probokazioetan oinarritako agenda hori erabiltzen dute Euskal Herrian abian jarritako prozesu demokratikoan aurrera egitea ekiditeko".
Euskaraz eta gaztelaniaz idatzitako gutunean, "duela bi urte hasitako polizia-operazioa" ez dela amaitu salatzen du Otegik, bere helburua Euskadin "bakerik ez egotea" delako. Hori ikusita, Arnaldo Otegik "hasitako preozesu demokratikoan sakontzeko" deia egin du.
