Politika -
Kurtso politikoaren hasiera
A-20rako 'balizko akordio' baten gainean hitz egingo dute UPNk eta PPk
Gainera, Auzitegi Nazionalak Leitzako alkatearen inguruko erabakiari eta Konstituzioaren erreformari buruz ere hitz egin zuen UPNko presidenteak, Yolanda Barcinak.
Erredakzioa
UPNko presidenteak, Yolanda Barcinak, atzo esan zuen arabera, PPrekin hitz egingo du "balizko akordio bat" egiteko eta hurrengo hauteskunde orokorretan elkarrekin joateko Nafarroa ordezkatzera. Akordioa, "botoak alferrik ez galtzeko" da, eta baita UPNren desioa betetzeko, hau da, "UPN Kongresuan Nafarroaren bozeramailea izatea".
Auzitegi Nazionalak Leitzako alkatea terrorismoa goratzeagatik inputatzeari dagokionez, "Bilduk iruzur egiten digu, bere ekintzak ETArekin bat daude eta oso garrantzitsua da instituzioak arreta ez gutxitzea", esan du. Bildu Nafarroa Bai "irensten" ari da, eta orain Aralar "xurgatuko du" hurrengo hauteskundeetara elkarrekin joaten badira. Horrek, Patxi Zabaletaren alderdia Bilduren estrategian erortzea suposatuko du.
Konstituzioaren erreformaren inguruan ere hitz egin zuen. Esan zuenez, Karta Magnaren hurrengo erreforman UPNk Laugarren Xedapen Iragankorra kentzea eskatuko du; horrek Nafarroa Euskal Herriaren barne egotearen inguruan kontsultak egitea onartzen du, "nafarren nahietarako neurri anakronikoa eta kontrakoa".