Politika -
Krisia Ezker Batuan
Aranak EB 'bereizketa berri baten atarian' dagoela adierazi du
Alderdiko idazkari nagusiak barkamena eskatu die arabar guztiei alderdiaren izenean hainbat kidek eskaini duten "ikuskizun negargarriagatik".
Erredakzioa
Mikel Arana Ezker Batuko idazkari nagusiak arabar guztiei "barkamena" eskatu die alderdiaren izenean jarduten zuten hainbat pertsonak eskainitako "espektakulu negargarriagatik". Aranak adierazi duenez, gertakari horien ondorioz EB "bereizketa berri baten atarian" dago.
Alderdiko hainbat militantek babestuta eman du prentsaurrekoa Mikel Aranak Donostian, Arabako Aldundian piztutako polemikarekin amaitzeko. Xabier Agirre EAJren Arabako ahaldun nagusigaiak EBk jeltzaleei babesa ematearen truke dirua eta kargu publikoak eskatu zizkiela salatu eta gero piztu da krisia alderdian.
Idazkari nagusiak adierazi du EBko zuzendaritzak aho batez adostu duela Javier Madrazo alderdiko koordinatzaile ohia kanporatzea eta gertakari horiekin zerikusia dutenen dimisioa eskatzea.
EBk bere historian izan duen "pasarterik larriena" dela salatu du Aranak, eta ondorioz alderdia ahuldu egin dutela. Erakundeak datorren azaroaren 12an egingo duten ezohiko batzar orokorrean baino ez duela aurre egingo adierazi du.
Galvezek ez du kargua utziko
Nerea Galvez Arabako Batzar Nagusietako Ezker Batuako bozeramaileak adierazi du ez duela bere kargua utziko, nahiz eta alderdiko Presidentetzak hala eskatu.
"Aranaren aldeko" blokeak Ezker Batuakeko "kontrol ekonomikoa" eskuratu nahi duela esan du Galvezek, eta ez "erantzukizunak argitu".
