Politika -
PSOEko Batzorde Federala
Kongresuaren proposamenaren zilegitasuna defendatu du Patxi Lopezek
Lehendakariak adierazi duenez, bere helburua "ideiak eztabaidatzea zen" eta ez "inolako barne apusturik egitea".
Redacción
Patxi Lopez lehendakaria kongresua egiteko iritziaren zilegitasuna defendatu du PSOEren Batzorde Federalaren aurrean, primarioak eskatzea bezain zilegia dela gaineratuta. Bere helburu bakarra "ideien eztabaida piztea" zela adierazi du, eta ez "inolako barne apustuak" egitea.
Bileran izan direnek Europa Pressi jakinarazitakoaren arabera, Lopezek nabarmendu egin du PSEk PSOErekiko duen leialtasuna eta orain alderdia indartzeko garaia dela esan du, errealismoari helduta eta norberaren buruari kritika egiteko ahalmena baztertu gabe. Horrela, alderdiaren "eredu berri bat" ezartzea posiblea izango da, berritutako proposamen politikoekin eta barne eta kanpo parte-hartzea indartuz.
Horrez gain, Zapateroren kudeaketa defendatu eta Alfredo Perez Rubalcaba hautagai izateko eskatzean erakutsitako erantzukizuna goratu du. Azkenik, alkateen papera aintzat hartu du eta hauteskundeetako porrotaren erantzukizuna kendu die.
