EB: 'Lehendakariak zapalkuntza demokratikoari aurre egin behar dio'

Euskal Autonomia Erkidegoko alderdi politikoekin adostutako ekimena abian jartzeko exijitu dio Ezker Batuak Patxi Lopez lehendakariari, Bilduren gainean "egin den zapalkuntza demokratikoari" aurre egiteko.

Serafin Llamas EBko presidentetzako ordezkariak esan duenez, Gorenaren erabakiaren aurrean "ezinezkoa da lehendakaria geldirik egotea". "Herritargoaren zati garrantzitsu bati botoa emateko eskubidea kendu egin diote", nabarmendu du. Zentzu honetan, Patxi Lopezi "lidergoa" hartzeko eskatu dio Ezker Batuak. "Argi eta irmo" jokatzeko exijitu diote lehendakariari, "demokrazia eta bakerako prozesua jokoan daudelako".