Urizar: 'Gobernua Bildurekin itxurak egiten dabil, PPk behartuta'

Bilduren zerrenden balizko inpugnazioa eskatzean, Zapateroren Gobernua "antzerkia eta burdin hariaren gainean oreka egiten dabilela" adierzi du Pello Urizar EAko idazkari nagusiak. Jarrera hori PPren presioaren ondorioa dela gaineratu du Urizarrek. Koalizioa, bitartean, "legearen barruan lanean ari da maiatzaren 22ko hauteskundeetan egon ahal izateko".

RNEri egindako adierazpenetan, Urizar ziurtzat eman du Bildu udal eta foru hauteskundeetan izango dela "epaitegien erabakiak zuzenbide-arrazonamenduetan oinarritzen diren neurrian". Koalizioaren helburuari dagokionez, subiranotasunaren proiektu ezkertiarra eskaintzea dela argitu du, eta ez legez kanpoko alderdiei babesa ematea.

Eako liderrarentzat, "ibilbide osoa legearen barruan egiten ari gara, ez dago zalantzarik". Onodrioz, Gorenak Zapateroren Gobernuaren bermea izango lukeen inpugnazioa egitea "PSOEk PPren aurrean eman nahi duen irudian oinarritutako estrategia da", "horretarako itxurak egin behar ditu, burdin hariaren gainean oreka mantentzen saiatuz".

Akordioak ezker abertzalearekin

EAko idazkari nagusiak ezeztatu egin du Bilduren sorrera lehengo Batasunako agintariekin adostu izana. Hala ere, beraiekin bilerak egin eta akordioak sinatu dituela onartu du. "Akordio horiek hauteskundeetara begira ere baliagarriak izan litezke, baina argi daukagu hauteskundeetarako akordio horiek legezko alderdiekin bakarrik egin daitezkela".