Fiskaltzak etengabeko sobornatze delitua egotzi dio Campsi

Ustelkeriaren Kontrako Fiskaltzak 41.250 euroko isuna eskatu du Francisco Camps Valentziako Generalitateko presidentearentzat "etengabeko sobornatze delitu batengatik". Gürtel auzia dela era, akusazioak idatzia bidali du Valentziako Justizia Auzitegi Goreneko Zibileko eta Zigor-arloko salara.

Diru kopuru bera eskatu dio Ricardo Costa Valentziako Ppko idazkari nagusi ohiari eta Rafael Betoret Turismoko kabineteko zuzendari ohiari. Victor Campos Valentziako Gobernuko presidenteorde ohiarentzat, berriz, 35.000 euroko isuna eskatu du.

Guztiei "etengabeko sobornatze delitua" egotzi die Gürtel azpikeriaren buruengandik (Francisco Correa, Alvaro Perez eta Pablo Crespo) opariak jasotzeagatik.

Auzitegira bidalitako idatzian, Gürteleko buruek 2005 eta 2008 urteen artean opari batzuk bidali zizkieten "etengabe" eta "erabilera pertsonalerako", eta horrek, fiskalaren esanetan, helburu garbia zuen: Valentziako Gobernuko funtzionario eta agintari batzuen "laguntasuna eta faboreak lortzea".

Fiskalak esaten duenaren arabera, agintari eta funtzionarioek opari horiek onartu egin zituzten "euren karguengatik eta zenbait alorretan hartu zitzaketen erabakiengatik ematen zizkietela jainda". Oparien artean, "neurrira egindako jantziak, zapatak eta bestelako erropak" zeuden.