Politika -
Kartzela politika
Almeriatik Zuerara eraman dute Kepa Arronategi ETAko presoa
Etxerat euskal presoen senideen elkarteak azaldu duenez, 700 kilometro gerturatu dute presoa, eta 1.000 kilometrora egon beharrean 300 kilometrora egongo da, Zaragozan.
agentziak | erredakzioa
Kepa Arronategi ETAko presoa Almeriako espetxetik Zuerakora (Zaragoza) gerturatu dute gaur.
Etxerat euskal presoen senideen elkarteak Twitterren jakitera eman duenez, presoak 700 kilometro gerturatu dute, eta 1.000 kilometrora egon beharrean 300 kilometrora egongo da, Zaragozan.
Gernikako presoak gaixotasun larria du, eta Espetxe Zuzendaritzak gerturatzea erabaki duen bi presoetako bat da. Aurreko irailaren 13an Arronategi bera eta Marta Igarriz gerturatzea agindu zuen, bigarrena Logroñora.
