Politika -
Jaurlaritzari kritika
Lortuko ez duen 'bultzada' bat behar du Patxi Lopezek, EAJren arabera
Ortuzarren esanetan, "errekuperazioa lortzeko ez dira argazkiak behar, programa bat, gaitasuna kudeaketan eta lidergoa baizik", hain zuzen, berak "ez duena".
Erredakzioa
Andoni Ortuzar BBBren presidentearen ustez, Patxi Lopezek "gaur sartu nahi gaituzten argazkiarekin" (sailburuekin egin du bilera) lortuko ez duen "bultzada on bat" behar du. "Errekuperazioa lortzeko ez dira argazkiak behar, programa bat, gaitasuna kudeaketan eta lidergoa baizik", hain zuzen, berak "ez duena".
Halaber, bakea "gauza" dadin lanean dihardutela ziurtatu du, baita legeztatzearen alde ere, "beti ere", ezker abertzaleak "beteko dutena dioena betetzekotan".
Ortuzarrek EAJren hautagaiak aurkezteko Bilboko Itsas Museoan egin duten ekitaldian egin ditu adierazpenok, gaurkoan, "Mugikortasuna eta Garraioak Bizkaian" titulupean.
Ortuzarrek gogoratu duenez, lehendakariak "bere sailburuak bilera batera deitu ditu, kudeaketan esfortzu handiagoa egin dezaten" eskatzeko eta, jeltzalearen arabera, "benetan bultzada behar dute", "kaxoian 21 lege dituzte-eta, langabeziak gora egin du eta zorrak handituz doaz kudeaketa, zerbitzu sozialak, itxarote-zerrendak okertzen eta industria-politika eta berrikuntza okertzen ari diren bitartean".