Politika -
Bilboko epaitegia
'Txiki' eta Otaegiren plakak kentzeko eskatu dio Durangori epaileak
Plaka horiek terrorismoaren biktimen eta haien senideen "ohore eta duintasuna kaltetzen" dituztela esan du Dignidad y Justicia elkarteak.
Erredakzioa
Txiki eta Otaegi ETAko kideen izena duen plaka bat herriko plazatik kentzeko eskatu dio Durangoko (Bizkaia) Udalari Bilboko auzitegi batek. Era berean, ETAko kideen oroimenez jarritako beste plaka bat kendu beharko du Santa Ana plazatik, Dignidad y Justicia elkarteak eskatu bezala.
Gaur argitaratutako epaiaren arabera, plaka horiek terrorismoaren biktimen eta haien senideen "ohore eta duintasuna kaltetzen" dituztela esan du Dignidad y Justicia elkarteak.
Bestalde, plakak "administraziokoak ez diren" pertsonak jarri zituztela argudiatu du Durangoko Udalak bere defentsan. Gainera, plaken ezarpenean eta mantenuan Udalak "erantzukizunik ez" duela erantsi du.
Nahiz eta udaletako eraikuntzetan ez izan eta udaletako langileek ez jarri, Durangoko Udalak "sinboloak eta plakak kentzeko eskumena du", epaiaren esanetan.