Politika -
Presoak
Espainiako Arartekoa Ibon Iparragirreren egoera ikertzen ari da
Iparragirre preso mantentzeko darabilen irizpidea zein den argitu dezala eskatu dio Arartekoak Espetxeetako Zuzendaritzari. Iparragirrek hiesa du, azken fasean.
Agentziak | Erredakzioa
Espainiako Arartekoak Ibon Iparragirre presoari buruzko ikerketa bat jarri du abian, Jon Iñarritu EH Bilduko senatariak egindako galdera baten harira.
Ondarroako presoak hiesa du, azken fasean, eta haren egoera hil ala bizikoa dela ohartarazi dute mediku txostenek. Hala ere, preso jarraitzen du. Iparragirreri baldintzapeko askatasuna ez emateko irizpidea zein den argitu dezala eskatu dio Espainiako Arartekoak Espetxeetako Zuzendaritzari.
Arartekoari bidalitako idatzian, Iñarrituk nabarmendu zuen Iparragirre preso mantenduz haren bizia arriskuan jartzen ari direla.
Iparragirrek hainbat aldiz eskatu du baldintzapean libre geratzea, baina eskaera guztiak atzera bota dituzte beti.
Joan den abenduan, Auzitegi Nazionalak Iparragirre Arrasateko Aita Menni zentrora eramateko agindua eman zuen. Buruko arazoak dituzten presoak hartzeko zentroa da eta segurtasun neurri zorrotzak ditu.
