Politika -
Urriak 25
Pastor: 'Estatutua kanapeekin ospatzen dugula esatea bufoikeria da'
Gaineratu duenez, "harrigarria da testu horren bultzatzaileetako bat, EAJ alegia, ez ospatzea".
Erredakzioa
Jose Antonio Pastor PSE-EEren bozeramaileak esan duenez, "bufoikeria da" atzo, larunbata, Andoni Ortuzar BBBeko presidenteak esandakoa. Ortuzarrek esan zuen sozialistek eta ''popularrek'' Gernikako Autonomia Estatutua "kanapeak jatean" ospatuko dutela.
Jeltzalaren esanetan, PSE eta PP "koktela egin eta kanapeak jango" dituzte, EAJ Madrilera doan bitartean "Zapaterori aurrekontuen paktua" betearazteko; akordioaren bidez, 20 eskumen transferituko dituzte Euskadira.
Gaur, igandea, Pastorrek azaldu duenez, biharko ospakizunak "gehiengo zabal" batek babestutako testua gogoratzeko balioko du, eta, bozeramaile sozialistaren arabera, "harrigarria da testu horren bultzatzaileetako bat, EAJ, ez ospatzea".
"Uler genezakeen Ibarretxeren Gobernuen aurreko hamar urteetan ospatu ez izana, hil zegoen Estatutua gainditutako dokumentu bezala jo baitzuten, baina orain, EAJren nahia Gobernuarekin Estatutuaren transferentziak negoziatzea izan denenean, kontraesankorra da", esan du sozialistak.
Halaber, Pastorren ustez, EAJ bihar ez da joango "EAJren baitan oilategi" batean bezala daudelako.