Katalunian ezarriko dituen neurriak prestatzen hasi da Espainiako Gobernua

Kataluniako Gobernuaren eskumenak bere gain hartuko dituzten ministerioetako idazkariordeekin bildu da lehen aldiz Roberto Bermudez de Castro Lurralde-Administrazioetarako Estatuko idazkaria, Espainiako Gobernuak adostutako 155. artikuluaren neurriak martxan jartzeko asmoz.

Presidentetzako eta Lurralde-Administrazioetarako Ministerioak jakinarazi duenez, Senatuak oniritzia eman ostean Konstituzioaren 155. artikulua indarrean sartu denetik, kargudun horiek egindako lehenengo bilera da gaurkoa, eta ministerio horiek abiatu behar dituzten neurriak izan dituzte hizpide.

Kataluniako Gobernuak Konstituzioaren arabera aritzea dute helburu neurri horiek, baita Administrazioen, erakundeen eta menpeko enpresa-alor publikoaren arteko funtzionamendua bermatzea ere.