Politika -
Nafarroan
'Kataluniako arazoa irmotasunez' konponduko dela esan du Marotok
Espainiako Gobernuak 'estrategia bat' duela ziurtatu du PPko Ekintza Sektorialeko eta Gizarte Politikako idazkariordeak.
Agentziak | Erredakzioa
Katalunian "arazo bat" dagoela azpimarratu du Javier Maroto PPko Ekintza Sektorialeko eta Gizarte Politikako idazkariordeak, baina "prozeduraz, lasaitasunez eta irmo" konponduko dela erantsi du.
PPk Iruñean "40 urte demokrazian" lelopean antolatutako ekitaldi bat ixteko ekitaldian parte hartu du Marotok. Bertan esan duenez, Espainiako Gobernuak estrategia bat dauka, eta "horri buruzko informaziorik ez ematea da gakoa".
Marotoren arabera, Espainiako Gobernuak prozedura jakin bat diseinatu du "ekintza bakoitza dagokion unean martxan jartzeko".
PPko agintariak Rajoyren Gobernuaren jarrera eta Kataluniako Gobernuaren zein Parlamentuaren jokabideak kontrajarri ditu. Katalunian "presaka, alderik alde eta akatsak egiten doaz", horren ustez, "herritarren borondatea urratzeaz gain".