Politika -
Katalunia
U-1eko ‘galdeketa saihesteko bide legalak’ aztertu ditu jada Espainiak
Mendez de Vigo ministroak ez ditu aurreratu nahi izan Rajoyren gobernuak hartuko dituen neurriak, Kataluniako gobernuak prozesuarekin aurrera jarraituko balu.
Agentziak | Erredakzioa
Espainiako Gobernuak urriaren 1ean Katalunian egin nahi duten 'legez kanpoko' erreferenduma saihesteko 'aukera juridiko guztiak aztertuta' dituela jada ziurtatu du asteazken honetan Iñigo Mendez de Vigo Espainiako Gobernuko bozeramaileak. Hala, Konstituzioaren 155. artikulua ezartzeko aukera ere aztertuko lukete.
Hala esan du Iñigo Mendez de Vigo Espainiako Gobernuaren bozeramaileak, prentsaurrekoan, Ministroen Kontseilua amaituta. Hala ere, ez du zehaztu zer egingo lukeen Gobernuak Generalitatek aurrera egingo balu prozesuarekin.
Mendez de Vigok berretsi du legez kanpoko kontsulta secesionista 'gabeko erreferenduma' dela; izan ere, 'ez du deialdirik, ezta erroldarik, hautestontzirik, boto-txartelik, nazioarteko babesik, eta egutegirik ere'. Ganberaren Mahaiak ez du eztabaidatu gaur gaia, Katalunian.
Gainera, esan du irekita jarraitzen duela elkarrizketa-bideak, legearen barnean; hortaz, berriro eskaini dio Carles Puigdemont Kataluniako presidenteari Kongresura joateko eta haren proposamena diputatuen aurrean aurkezteko.
