Politika -
Ganteko Apelazio Auzitegia
Zengotitabengoaren Espainiaratzea baieztatu du Belgikak
ETAko ustezko kideak helegitea jarri zuen neurri horren kontra. Gaur, berriz, Brujaseko auzitegiak abuztuaren 27an erabaki zuena berretsi dute.
Erredakzioa
Ganteko (Belgika) Apelazio Auzitegiak Luis Maria Zengotitabengoa ETAko ustezko kidea espainiaratzea berretsi du eta atzera bota du neurri horren kontra defentsak aurkeztu zuen helegitea.
Epaitegiak "apelazioa baztertu du eta Brujasko gortearen erabakia berretsi""duela adierazi du Lieve Pellensek, Belgikako fiskaltza federalaren bozeramaileak. Horren arabera, abuztuaren 27an hitzartu zen atxilotua Espainiaratzea.
Segurtasun indarrek Belgikan atxilotu zuten Luis Maria Zengotitabengoa ETAko ustezko kidea. Terrorismoaren aurkako iturrien arabera, urtarrilean Zamoran lehergaiz beteta atzemandako furgonetarekin lotura daukala uste du Guardia Zibilak.
