Politika -
Eskutitza
Luis Maria Zengotitabengoak babes politikoa eskatu du Belgikan
Belgikako Barne Ministerioak ez du baieztatu ustezko ETAko kidearen eskutitza jaso duen. Brujaseko Auzitegi Federalak ostiral honetan erabaki behar du bere Espainiaratzea.
Erredakzioa
Larunbatean Belgikan atxilotutako Luis Maria Zengotitabengoa usteko ETAko kideak babes politikoa eskatu du herrialde horretan bere Espainiaratzea saihesteko, Paul Bekaert bere abokatuak jakinarazi duenez.
Belgikako Barne Ministerioari eskutitz bat bidali zion atzo Zengotitabengoak. Horretan, bere egoeraren berri ematen die Belgikako agintariei, eta Espainian ustez giza eskubideak urratzen dituztela aipatzen du.
Zengotitabengoa Brujaseko Auzitegi Federaleko Akusazio-Salan agertuko da ostiral honetan, izan ere, auzitegiak bere euroaginduari (atxilotze eta entrega agindu europarra) buruzko erabaki behar du, adierazi du Belgikako fiskaltzak.
Entzutea 07:00etan (GMT) izango da, Zengotitabengoaren atxiloketa eta Espainiara bidaltzeko eragozpen legalik dagoen aztertzeko, adierazi du Bruselaseko fiskaltzaren bozeramaile batek adierazi duenez.
Asilo eskaerak Zengotitabengoaren Espainiaratzea atzeratu lezake; izan ere, Brujaseko Auzitegi Federalak bihar erabaki behar du bere euroaginduari (atxilotze eta entrega agindu europarra) buruz eta baliteke bere estatus politikoa argitu bitartean, erabakirik ez hartzea.
"Babes politikoaren inguruko Barne Ministerioaren erabakia hainbat hilabetez edo urtez atzeratu daiteke", onartu du fiskaltzaren bozeramaileerako batek.