Politika -
Apirilaren 8 edo 9an
PPk ekitaldi bat egingo du ETAren armagabetzearen egunean
Ez du zehaztu non izango den, ezta apirilaren 8an edo 9an egingo duten ere. Bestalde, Eusko Jaurlaritza kritikatu du ETA "protagonista" izaten "laguntzeagatik".
agentziak | erredakzioa
Euskadiko PPk ekitaldi bat egingo du ETAren armagabetzea dela eta apirilaren 8an Baionan egitekoa den ekitaldiaren eta ETAren "errendizioaren" aurrean.
Hala erabaki du alderdiaren Zuzendaritzak gaur, asteazkena, Bilbon egindako bilera batean. Halere, ez dute zehaztu non izango den, ezta apirilaren 8an edo 9an egingo duten ere, Amaya Fernandez Euskadiko PPren idazkari nagusiak prentsaurreko batean azaldu duenez.
Fernandezen esanetan, ez dute "baztertzen" Espainiako Gobernuak ere ekitaldian parte hartzea. Horren helburua gizartea, bereziki terrorismoaren biktimak, protagonistak izatea da.
Amaya Fernandezek, gainera, Eusko Jaurlaritza kritikatu du ETA "protagonista" izaten "laguntzeagatik", apirilaren 8ko ekitaldian parte hartuko duela iragarri duelako, "ETAren desegitea ahalik eta arinen lortzeko lanean egon beharrean".
"Oso kaltegarria da, anakronismoa, eta ez beharrezkoa EAEko herritarren Gobernuak banda terrorista protagonista izatea sustatzea eta parafernalia horrekin bat egitea", erantsi du.
