Politika -
Kataluniako Parlamentua
Kataluniak 2017ko aurrekontuak onetsi ditu, erreferenduma aurreikusita
Aurrekontuak Junts pel Sí eta CUPren aldeko botoekin onetsi dira. Oposizioak aurrekontuak Konstituzio Auzitegira eramango dituela esan du.
AGENTZIAK | ERREDAKZIOA
Kataluniako Parlamentuak, Junts pel Sí (JxSí) eta CUParen aldeko botoekin, 2017ko Kataluniako Gobernuaren aurrekontuen proiektua onetsi du, eta baita erreferendum soberanista aurreikusten duen neurria ere.
Kataluniako legislaturako eztabaidarik tirabiratsuenean, bi talde independentistak aurrekontuak onartzeko euren gehiengoaz baliatu dira. Aldeko 64 boto (JxSí-ren 62 eta CUPek eskainitako 2), kontrako 62 (Ciudadanos, PSC, Catalunya Sí Que Es Pot eta PPC) eta CUPek eman ez dituen 7 boto.
Ganberako abokatuen nota bat irakurri da plenoaren aurrean, eta bertan, erreferendumari dagozkion aurrekontuen neurri gehigarriaren onespenak Konstituzio Auzitegiaren oharpena "kontutan ez hartzea" dela esaten dute. Ondoren, egiteke dauden zuzenketen eta amaierako proiektuaren bozketa egin aurretik, talde parlamentarioak eztabaidan hasi dira. Kataluniako Parlamentuaren Mahaia premiaz biltzeko eskatu du oposizioak, baina ez du lortu.
Ganberako presidenteak, Carme Forcadellek, abokatuen idatzia baloratzeko Mahaia biltzeari ezezkoa eman dio. Hemizikloan tentsio-momentuak eragin ditu horrek.
Kataluniako Gobernuko presidente ordeak, Oriol Junquerasek, esan duenez, neurri polemikoa bertan behera utzi gabe, "aurrekontuak mantenduko ditu" Kataluniako Gobernuak. Abokatuek bidalitako idatziak ez zuen onetsita izateko nahia aldatzen, gaineratu du.
