Politika -
Aldarrikapena
Elkarretaratzea egin dute Madrilen Altsasuko atxilotuen alde
Madrileko hainbat gizarte-elkartek bi guardia zibilei eta haien bikotekideei egindako erasoaren bertsio ofizialarekin ados ez daudela aldarrikatu dute.
eitb.eus
Madrileko 10 gizarte-elkartek sortutako plataformak elkarretaratzea egin du gaur Altsasuko atxilotuen alde. Bi guardia zibilei eta jaien bikotekideei egindako erasoaren bertsio ofizialarekin ados ez daudela aldarrikatu dute.
10 elkarteak plataforma batean bildu eta gaur Madrileko Tirso de Molina plazan elkartu dira. Atxilotuetako hiruk kartzelan jarraitzen dute, eta haien familiartekoek ere parte hartu dute kontzentrazioan.
Auzitegi Nazionalaren Zigor-arloko Laugarren Salak atzera bota zituen kartzelan dauden hiru altsasuarren helegiteak eta, beraz, gazteek preso jarraitzen dute; beste laurak, ordea, aske utzi zituzten abenduan.
