Langabeziak kezkatzen ditu gehien herritarrak, CIES inkestaren arabera

Langabezia da herritarren kezka iturri nagusia eta gainera gora egin du lan faltarekiko egonezinak, CIS erakundearen abenduko inkestaren arabera. Bien bitartean, espainiarrek oro har egoera politikoarekiko eta politikariekiko daukaten pertzepzioak behera egiten jarraitzen du.

Gaur argitaratutako inkestaren arabera, langabezia da inkestan parte hartu duten herritarrek gehien aipatzen duten kezka iturria. Ez hori bakarrik, abenduan parte hartzaileen % 74,7k aipatu dute kezka iturri nagusi gisa langabezia eta azaroan, berriz, % 72,9k aipatu zuten; nahiz eta abenduan 390.534 langabe gutxiago zenbatu dituzten Espainian.

Langabeziaren atzetik hauek dira herritarren kezka nagusiak: ustelkeria (% 36,7), izaera ekonomikoko arazoak (% 24,7) eta klase politikoari buruzko arazoak (% 22,1). Dena den, Mariano Rajoy Espainiako presidente izendatu ostean, politikarekiko kezka % 25,7tik % 22,1era jaitsi da.

Are gehiago jaitsi da egoera politikoa deskalifikatzen duten herritarren kopurua eta % 74,3tik % 67,5era jaitsi da.