Egigurenen gogoetak ez datoz bat PSErekin, Pastorren esanetan

Jose Antonio Pastor PSE-EEren bozeramaleak ziurtatu duenez Jesus Egiguren alderdi horren presidentearen gogoetak, Patxi Lopezi helarazitakoak, "pertsonalak dira eta ez datoz bat Eusko Jaurlaritzaren eta Alderdi Sozialistaren iritziarekin". Halaber, gaineratu du "okerrak" direla, baina bakearen arazoa konpontzeko asmoz eginak.

Hedabideen aurrean Pastorrek atzo, ostirala, hainbat hedabidetan agertutako adierazpenak aipatu ditu; bertan, antza Egigurenen hitzetan, PSEren presidenteak ezker abertzalearen bide politikoen apustua "bultzatzearen" alde agertzen zen, bai eta alderdi hori legeztatzea eta ETAren presoak hurbiltzearen alde ere.

"Gainera, kasu horretan, uste dut adierazpen okerrak direla, seguruenez herrialde honetan guztioi kezkatzen gaituen arazoari, bakearen arazoari, irtenbidea bultzatzeko asmoz, baina benetan uste dut proposamen horrek hurbildu baizik, urrunduko gaituela", ohartarazi du.

Pastorren ustez, "askotan ETA eta haren ingurukoei aukerak eman dizkiogu, ateak irekiz eta lurreratzeko pistak emanez", eta "alferrik galduak" izan dira.

Ildo horretatik gaineratu duenez, "beste guztion joko-arauekin jokora sartzen direnean konpontzeko bidea hartuko dugu, lasterbide antzurik" hartu gabe.