Parisen dira ETAko ustezko burua eta haren laguntzaileak

Mikel Carrera Sarobe Alta, ETAko ustezko burua eta aurreko ostegunean ere atxilotutako haren laguntzaileak Parisera eraman dituzte epailearen aurrean pasatzeko, ikerketako iturriek zabaldu dutenez.

ETAko ustezko hiru kideak -Carrera Sarobe, Arkaitz Agirregabiria eta Maite Aranalde- eta haien laguntzaileak direlakoan atxilo eraman zuten bikote frantziarra Parisera heldu dira eguerdi aldera, atxilotu zituztenetik Baionan egon eta gero.

Behin hiriburuan, epailearen aurretik pasa beharko dira kartzelan behin-behinean kartzelan sartu baino lehen. Lehenengo, terrorismoaren kontrako fiskaltzaren aurrean egon beharko dira dagozkien delituak leporatu diezazkieten eta, geroago, "askatasuna eta atxiloketaren" epaile batek erabakiko du kartzelan sartuko duten.