Politika -
Frankismo garaiko hilketak
Garzonek Varela errefusatu du 'auzian interesa izateagatik'
Epailearen abokatuak sinatutako dokumentuan adierazten denez, "pozik" daude atzo Varelak Garzonen aurkako auzitik kanpo utzi zuelako Falangea.
Erredakzioa
Baltasar Garzon Auzitego Nazionaleko epaileak Luciano Varela Auzitegi Goreneko magistratua errefusatuko du, Frankismo garaian egindako hilketak ikertzeagatik bere kontra martxan jarritako kausaren barnean.
Garzonen ustez, Varelak "auzian interesa" duela erakutsi du, Manos Limpias sindikatuari bere kontrako akusazio agiria berriro idaztea agintzean.
Bestalde, Epailearen abokatuak sinatutako dokumentuan adierazten denez, "pozik" daude atzo Varelak Garzonen aurkako auzitik kanpo utzi zuelako Falangea.
Manos Limpias sindikatuaren bigarren akusazio-idazki bat onartzea defendatzeko duen eskubidea urratzen dela uste du Garzonek.
Garzonen arabera, "indarrean dagoen prozesu-araudiak ez du babesten" Varelaren esku-hartzea eta prozeduraren oinarrizko arauetatik urrun dago.