Politika -
ETB etenda Nafarroan
Eusko Ikaskuntzak ETBren itzalketaren ondorioez ohartarazi du
Gainera, erakundeak adierazi duenez, erabakia "tamalgarria" da, nafarren euskal nortasuna "arbuiatzen" duelako.
Agentziak | Erredakzioa
Eusko Ikaskuntzak ohartarazi egin du Nafarroan ETBren seinalea eteteak ekarriko dituen ondorioak "neurritzeko ezinezkoak" direla.
ETBek atzo eten egin behar izan zuen emisioa Nafarroan, Industria Ministerioak agindutakoa betetzeko, UPNk gidatzen zuen aurreko Nafarroako Gobernuak aurkeztutako salaketari jarraiki.
Hori dela eta, Eusko Ikaskuntzaren esanetan, erabakia "penagarria" da, nafarren euskal nortasunari "muzin" egiten diolako.
Horren ildotik, Eusko Ikaskuntzak eskatu egingo die "eskatzea dagokien erakundeei" ekarpena egin dezaten ETBren seinalea digitalizatzeko, "Nafarroan sortutako egoera mingarria" zuzentzeko eta Foru Erkidegoko euskaldunen eskubideak bermatzeko.
