Politika -
Negoziazioa
Riverak Podemosen aurka jo du 'hiruko bilera'ren aurretik
Ciudadanosen presidenteak esan du Gobernuan ezin dela egon Espainia "hautsi" nahi duen alderdirik, Pablo Iglesiasen alderdiari erreferentzia eginez.
agentziak | erredakzioa
Albert Rivera Ciudadanosen presidenteak adierazi du Gobernuan ezin dela egon Espainia "hautsi" nahi duen alderdirik, Podemosi, Katalunian erreferenduma egitea babesten duelako, erreferentzia eginez, eta 'hiruko bilera' (PSOE, Podemos eta Ciudadanos) aste honetan bertan egitea espero denean.
Riverak berretsi du Ciudadanosek ez duela hauteskundeak errepikatzea nahi, ez duelako "irtenbide" gisa ikusten, baina ez omen da horren beldur, Albert Riverak Ines Arrimadas Kataluniako buruzagia gosari informatibo batean aurkeztu duenean azaldu duenez.
Arrimadasen lana goraipatu du hitzaldi horretan, Katalunian konstituzionalismoaren alde egiten ari den lanagatik.
Riverak azpimarratu du alderdia espainiarrak "batzen" dituenaren alde egiten ari dela, eta ez duela "etsiko" lan horretan, alderdiarentzat erreferenduma ez delako "arazo" independentistaren irtenbidea, horren "zati bat baizik".
