Legebiltzarrera eramango dute 'Islamismo erradikalaren aurkako plana'

Estefanía Beltrán de Heredia Segurtasun sailburua Eusko Legebiltzarrera joango da berak zuzentzen duen Sailak landutako 'Islamismo erradikalaren aurkako plana' aurkezteko. Plan horretan, Ertzaintzaren jardunbide-protokoloak berrikusi dira mehatxu jihadistara doitzeko helburuarekin.

Este documento ha sido dado a conocer este jueves por la consejera a los sindicatos de la Policía autonómica, en el marco del Consejo de la Ertzaintza.

Aipatutako agiriaren berri eman die gaur Sailburuak Ertzaintzako sindikatuei, Ertzaintzaren Batzordearen barruan.

Ertzaintzako sindikatuek kritikatu egin dute dokumentua "orokortasunak, begi-bistako gauzak eta borondateen adierazpenak" besterik ez dituelako; ondorioz, zehaztasun gehiago ematea eta babes-neurrien protokoloa eskatu dituzte.

Planak oinarrizko lau zutabe ditu: prebenitu, babestu, jazarri eta erantzun. Dokumentuaren helburua da terrorismoaren mehatxuari erantzun "orokor, integral eta neurrizkoa" ematea "dituen adar guztietan". Terrorismo jihadistaren aurka egiteko neurriez gain, dokumentuak "islamofobiaren aurka borrokatzeko beharrizana" ere jasotzen du.

Agindu berriak

Segurtasun Sailak programa hori testuinguru berri baten barruan landu dela azpimarratu du: "mehatxu terroristak islamismo erradikalerantz eboluzionatu du Euskadin eta Europan". Egoera berri horrek "nahitaezko egiten ditu jardunbide-plan berriak, agindu berriak eta egun dagoen mehatxu terroristara egokitutako polizia-jarduerak".

Dokumentuan jasotzen diren neurrien bidez, terrorismoaren fenomenoa "jatorritik" borrokatu nahi da, etorkizunean arrisku-egoerak egon daitezen saihesteko. Gainera, honako beste helburu hauek ere baditu txostenak: balizko helburuen babesa hobetzea, talde horien gainean ikertzeko eta beroriek neutralizatzeko ahalmenak sendotzea, balizko eraso terrorista baten eraginak kudeatzeko mekanismoa hobetzea.