Politika -
Elkarrizketa Radio Vitorian
Xabier Agirre: 'De Miguel auzia ez da EAJren sare bat'
EAJren ABBko presidenteak nabarmendu duenez, "EAJri mesede egiteko sare bat ere ez da".
Erredakzioa
Xabier Agirre EAJren ABBko presidenteak irmo hitz egin du 'De Miguel auzia'z: "Ez da EAJren sare bat, ezta EAJri mesede egiteko sare bat ere".
Gasteizko Instrukzio 4. zenbakiko Epaitegiko arduradunak 26 pertsona inputatu ditu 'De Miguel auzia'n, tartean Arabako EAJko hainbat goi-kargudun ohi, ustez legez kanpoko komisioak kobratzen zituen sare bat osatzen zutelako. Auziaren ingurukoak hizpide hartu ditu Agirrek Radio Vitoriari eskainitako elkarrizketa batean.
Epaileak 26 pertsona horiei egotzitako 11 delituekin EAJk zerikusirik ez duela azpimarratu du Agirrek, eta jeltzaleek osatutako "sarerik ez" dagoela erantsi.
Agirreren hitzetan, autoa aztertuz gero, "nahiko argi geratzen da hau ez dela EAJren sare bat, ezta EAJri mesede egiteko sare bat ere".
"Sare hori, egotekotan, pertsona jakinek osatutakoa zen", nabarmendu du Arabako EAJren buruzagiak.
