Politika -
Udal eta Foru hauteskundeak
Llanosek 'amaitutzat' jo du hautagaiak izendatzearen gaineko polemika
Politikariak onartu duenez, “egia da arazoak eta polemikak sortu direla, baina erabat amaituta daude”, Miren Albistur hautagaia dela eta.
Erredakzioa
Nerea Llanos Euskadiko PPren idazkari nagusiak onartu du “arazoak eta polemikak”, udal eta foru hauteskundeetarako hautagaiak izendatzean, baina ohartarazi du “erabat amaitu” direla eta “pertsonak nahieran aukeratu barik” egiten dutela politika.
Bilbon Belaunaldi Berriek antolatu duten birsortze demokratikoaren jardunaldiak parte hartu du idazkari nagusiak, Anton Damborenea Bizkaiko PPren presidentearekin batera, eta salatu duenez, alderdi batzuek -EAJ, esaterako- uste dute Konstituzioa aldatzen baldin bada “Espainia estatu txiki independentez osatuta” egongo dela.
Llanosek azpimarratu egin du PPk “baikortasunez eta konfiantzaz” aurre egin behar diela udal eta foru hauteskundeei, eta Eusko Jaurlaritzaren proiektua “ekimenik gabekoa” dela eta “aurrekontu estua” duela.
Hori dela eta, Llanosen arabera, PPko hautagaiek “konpromiso, lidergo eta ardurarako” gaitasuna izan beharko dute, eta “arazoak eta ika-mikak sortu direla egia bada ere, erabat amaitu dira”, esan du Miren Albistur hautagaia dela eta.
“Denek bat eginda borrokatuko dute hautagaitza horien alde, argi baitute politika pertsonak nahierara aukeratu gabe egiten dela, hau da taldeak osatuta. Zerrendaburuak erreferenteak dira, baina ezin dute ezer egin bakarrik”, ohartarazi duenez.
