EAJk 'oso serio' hartzen du independentziaren gaia

Aitor Esteban Diputatuen Kongresuko EAJren bozeramaileak esan duenez, alderdiak “oso serio” hartzen du independentziaren gaia, “alferrikako mugimenduekin” ibiltzeko. Halaber, “ETAren kulpagatik”, Euskadiri Katalunian dagoen egoerara iristea “asko” kostako zaiola adierazi du.

Europa Pressi eskainitako elkarrizketa batean, Estebanek nabarmendu du “onartezina” dela Jordi Pujol Kataluniako Generalitateko presidente ohiak egin duena, baina orain argitara irtetea “kasualitatea ez” dela gaineratu du. CNI ezagutzera emateko ekintzan “inplikatuta” izateak harrituko ez lukeela azaldu du.

Horrez gain, Mariano Rajoy Gobernuko presidentearekin “oso haserre” dagoela jakinarazi du, azken hilabeteotan alderdi politikoentzako “benetako tragala bat” izan delako, eta, bereziki, EAJrentzat “katilu eta erdi”.

Iñigo Urkullu lehendakariak Rajoyrekin izan behar duen bileraren inguruan galdeginda, Estebanek esan du bera ez litzatekeela joango, “gizon honek ez dielako erantzun ez lehendakariak egindako galderei eta proposamenei”, ezta euskal alderdienei ere, gaineratu du.

Ordezkari jeltzalearen ustez, Euskadik Kataluniako egoerarekin duen “edozein antzekotasun”, “uneotan”, kontsulta bat “gauzatu nahi duten bi nazioena” da, “baina hor amaitzen dira parekotasunak”.