Juan Maria Jauregi omenduko dute gaur, lore-eskaintza batekin

Gipuzkoako Batzar Nagusiek Juan Maria Jauregi omenduko dute gaur, ETAk hil zuenetik 14 urte beteko direnean. Jauregiren omenez lore-eskaintza egingo dute.

Martxoan, Gipuzkoako Batzar Nagusiek aho batez onartu zuten Jaime Arrese eta Juan Maria Jauregiren aldeko lore-eskaintza egitea haien hilketen urteurrenetan. Lehenengoa Kapitalismoaren Kontrako Komando Autonomoek hil zuten, 1979.ean, eta bigarrena ETAk hil zuen, 2000.ean.

Alderdi guztiek babestu egin dute aho batez Lohitzune Txarola (Bildu) Batzar Nagusietako presidentearen proposamena.

Txarolak proposatu zuen lore-eskaintza eta minutu bateko isilunea hildako batzarkideen plaken ondoan egitea, Batzar Nagusietako egoitzaren atarian.

Jaime Arrese UCDren prokuradorea Kapitalismoaren Kontrako Komando Autonomoek hil zuten, 1979eko urriaren 23an eta 1983an, eta hurrengo hauteskundeak izan arte, eserlekua hutsik egon zen.

Juan Maria Jauregi sozialista, eta Gipuzkoako gobernadorea izandakoa, 2000 urtean hil zuen ETAk, Tolosan, uztailaren 29an.