Politika -
Profila
Navarro, PSOEko zuzendaritzara itzuli den eskarmentu handiko petsona
PSOEko buru izango den lehen emakumea da 135 urtean; izaera exekutiboa baino sinboliko gehiagoko kargua.
Erredakzioa
Micaela Navarro PSOEko presidente berria hamarkada bat geroago itzuli da alderdiko zuzendaritza batzordera. Emakumearen Partaidetzako idazkaritzan (1997-2000) eta Berdintasunekoan (2000-2004) izan zen.
Navarro (Andujar, Jaen, 1956) PSOEko buru izango den lehen emakumea da 135 urtean. Jose Antonio Griñan andaluziarraren kargua ordezkatuko du.
Egun, Andaluziako PSOEko presidentea da, 2013ko azarotik. Urte horretan itzuli zen Andaluziako politikako lehenengo lerrora.
Berdintasun eta Ongizate sozialeko kontseilaria
PSOEko presidente berriak Alfredo Perez Rubalcaba babestu zuen azken kongresu federalean. Andaluziako federazioak Carme Chacon bermatu zuen. Navarro zortzi urtez izan zen Berdintasun eta Ongizate sozialeko kontseilaria, Manuel Chavesekin eta Jose Antonio Griñanekin batera.
2012an, alderdiaren eskualdeko kongresuan giltzarria izan zen sektore kritikoak % 30aren babesa jaso eta Jose Antonio Griñanen alde bozkatu ez zezan PSOE-Ako idazkari nagusia izateko.
Orduan eskualdeko zuzendaritzatik irten zen, eta, 2012ko hauteskunde autonomikoen ostean, Griñanek ez zuen gobernu berria osatzeko harekin kontatu.
PSOE-Ako presidente
PSOE-Ako presidente izendatzearekin batera, Susana Diazek pauso erabakigarria eman zuen, alderdiak bilatzen zuen batasuna lortzeko.
Esperientzia handia gizarte gaietan
Izaera adeitsua izanez, Andaluziako Gobernuaren parte izan den zortzi urteetan galdeketetan gehien baloratutako kontseilarien rankingean buru izan da.
Navarrok esperientzia handia du gizarte gaietan eta emakumearen eskubideen defentsan. Gai horiek erdiratu dute haren lana udalean, Senatuan eta Kongresuan. Partaidetza handia izan zuen genero-indarkeriaren legean, Jose Luis Rodriguez Zapateroren Gobernuan.
