Politika -
Katalunia
Miquel Iceta PSCko buruzagi berria, botoen % 85,04 eskuratuta
Iceta zen PSCko buruzagitza eskuratzeko hautagai bakarra, izan ere, berak bakarrik lortu zuen beharrezko abalak biltzea. Parte hartzea % 46,71koa izan da.
Erredakzioa
Miquel Iceta izango da PSCko buruzagi berria, igande honetako hauteskundeetan botoen % 85,04 eskuratuta. Bozketara aurkeztu den hautagai bakarra izan da, izan ere, beste inork ez ditu aurkezteko beharrezkoak ziren gutxieneko abalak bildu. Parte hartzea, behin-betiko kontaketaren zain, % 46,71koa izan da.
"Gaur PSCk hitz egin du gardentasunez egin den prozesuan. Gaur PSCk erabaki du ni izatea alderdia gidatuko duena. Botoak erantzukizunez hartzen ditut. Hainbat sozialistek esan digute lanean hasi behar dugula", adierazi du Miquel Icetak prentsaurrean.
Hauteskunde eguna inolako gorabeherarik gabe garatu da, eta botoa ematera deituta zeuden militanteek Katalunian zehar jarritako 155 hauteslekutan eman ahal izan dute botoa.
Miquel Icetak Pere Navarro ordezkatuko du karguan.
