Politika -
Balorazio orokorra
Gure Esku Dago: 'Ekainaren 8koa icebergaren punta bakarrik izan zen'
Uda garaia lortutakoaz eta egin beharrekoaz hausnarketa egiteko baliatu nahi dute, irailaren 13an ikasturte berriari indarberrituta heltzeko.
Erredakzioa
Bi asteren ondoren, Durango eta Iruña arteko giza katea bultzatu eta antolatu zutenek barne bilera orokorra egin dute larunbat honetan Arrasaten.
Bertan adierazi dutenez, lortutakoaz eta egin beharrekoaz hausnarketa egiteko baliatu nahi dute uda garaia.
Erabakitzeko eskubidea helburu eta tresnatzat hartuta, indarrak metatzen jarraitu nahi dute.
Irailaren 11n Diada egingo dute Katalunian, eta 18an, bere etorkizuna erabakiko du Eskoziak. Erabakitzeko eskubidearen tren horri hirugarren bagoia gehitu nahi dio Gure Esku Dago ekimenak, eta helburu horrekin ikasturte berria hasiko dute irailaren 13an.
