Boto zuzenaren alde agertu da Rubalcaba, 'ahobatezko erabakia bada'

Bere ondorengoa militanteen boto zuzenaren bitartez aukeratzearen alde agertu da Alfredo Perez Rubalcaba PSOEko idazkari nagusia, beti ere alderdian "aho batez" horrela erabakitzen badute. "Ahobatezko erabakia ez bada, ez dut mota horretako proposamenik egingo", gaineratu du. Kongresuan izan da Rubalcaba, PSOEren ezohiko biltzarra uztailaren 19 eta 20an egingo dela iragarri eta hiru egunera.