Politika -
Donostia
Ortuzar: 'Aberria askatzeko lanetan dihardu EAJk egunero'
Jeltzalearen ustean, EAJk "bide zuzena" hartu du "egunez egun herrialdea eraikitzen" eta, nabarmendu duenez, alderdiaren eredua "ez da bat-bateko kontua".
Erredakzioa
Andoni Ortuzar EAJren EBBko presidenteak ziurtatu duenez, EAJko kideak "lan egiten duten abertzaleak" dira eta "batzuek aberriaren askatasunaz hitz egiten" duten bitartean, EAJk "aberria askatzeko lanetan dihardu egunero".
Ortuzarrek EAJk Donostian egindako ekitaldi batean egin ditu adierazpenok. Alderdiak 100 urte daramatza Donostiako Udaleko kide izaten eta, horrela, 1911tik izandako zinegotzi jeltzaleei omenaldi bat egin diete. Bertan Joseba Egibar GBBko presidenteak eta Eneko Goia Donostiako Udaleko EAJren bozeramaleak ere parte hartu dute.
Buruzagi jeltzaleak esker onak eman dizkie EAJren zinegotziei "alderdiarekin, aberriarekin eta hiriarekin" hartutako konpromisoagatik. Ortuzarren arabera, "Aberriaren askatasunaren aldeko borroka da" alderdiaren militanteek "utzi diguten ondarerik onena".
Ortuzarren ustean, EAJk "bide zuzena" hartu du "egunez egun herrialdea eraikitzen" eta, nabarmendu duenez, alderdiaren eredua "ez da bat-bateko kontua" eta EAJk gaur eguneko Donostia izateko "oinarria ezarri" zuen.
