Infantaren abokatua: 'Fede onak eta maitasunak bultzatu zuten infanta'

Jesus Maria Silvak Roca i Junyent abokatuak bere bulegoaren ateetan kazetariei esan dienez, infanta senarrarekin oso maiteminduta dago, eta, baieztapen horretatik abiatuta, hau esan du: "Pertsona bat beste batekin maiteminduta dagoenean, horrekin konfiantza izan du, izaten du eta, haizearen kontra ere, izaten jarraituko du. Maitasuna, ezkontza eta konfiantzarik eza ez dira bateragarriak".

Hori esanez Iñaki Urdangarinek emaztea engainatu zuela iradoki nahi duen galdetuta, hau erantzun du Silvak: "Nik konfiantza nork daukan esan dizut. Hortik abiatuta, bakoitzak berak egin duenarengatik erantzun behar du".

Halaber, Jose Castrok erregearen alaba gaztea inputatu izanaren aurka helegiterik jarriko ote duten aztertzen ari direla esan du.