Politika -
Gasteizko Udala
Alonsok sinatutako alokairua ikertzeko batzordea eratu dute Gasteizen
Oposizioko talde guztiek bultzatu dute batzordearen eraketa. Alfonso Alonso alkate ohiak 2007 urtean sinatutako alokairu bat ikertuko du batzordeak.
Erredakzioa
Gasteizko Udalak 2007 urtean Alfonso Alonso alkate ohiak sinatutako alokairu baten kontratua ikertzeko batzorde berezia sortu du gaur. Batzodeak San Antonio kaleko udal bulegoen alokairua ikertuko du.
Javier Maroto (PP) gaur egungo alkateak, goizean sinatu du izendapenen dekretua. Horren arabera, Alderdi Sozialistako Maite Berrocal eta Marian Gutierrez batzordearen presidentea eta presidente ordea dira.
Batzordea zuzentzeko proposamen bakarra osatu dute bi zinegotzi sozialistek eta oposioko talde guztien aldeko botoak jaso ditu. Udaletik adierazi dutenez, Alderdi Popularra abstenitu egin da. Bihar egingo du batzordeak lehen bilera. Udal taldeen proposamenak jasotzeko epeak eta lan metodologia zehaztuko dira lehen bilera horretan.
Oposizioko alderdi guztiek bultzatu dute bartzordea eta 2007an sinatutako alokairu bat ikertzea du helburu. Alfonso Alonso orduko alkateak, Gonzalo Anton enpresariaren Sbayre SA enpresarekin 20 urterako kontratua sinatu zuen. Opozioak adierazi duenez, "hilero 49.254 euro ordaintzen ditu alokairuarengatik Udalak, 2007an adostutakoa baino lau aldiz gehiago".
